ინფექციური საავადმყოფოს დირექტორი და კლინიკური ჯგუფის ხელმძღვანელი, თერგიზ ცერცვაძე ჯერჯერობით სახლში მკურნალობს, თუმცა ამბობს, რომ არ გამორიცხავს დღეს საღამოს საავადმყოფოში წავიდეს და იქ დარჩეს. ამის შესახებ ცერცვაძემ რუსთავი 2-სთვის მიცემულ სატელეფონო ინტერვიუში ისაუბრა.

"ყველა სიმპტომი მაქვს: ყელის ტკივილი, სიცხე, ხველა. მინდა რემდესივერი გადავისხა. ჯერჯერობით ვიყენებ სიცხის დამწევს, D ვიტამინს, C ვიტამინს, თუთიას, სითხეებს. ჯერჯერობით სახლში ვარ, მაგრამ შეიძლება, რომ საღამოს წავიდე და საავადმყოფოში დავრჩე", — აცხადებს ცერცვაძე.

ინფექციური საავადმყოფოს დირექტორსა და კლინიკური ჯგუფის ხელმძღვანელს, თენგიზ ცერცვაძესა და მის ცოლს, ანა თოფურიას კორონავირუსი დღეს დაუდასტურდათ.