აზიის განვითარების ბანკმა (ADB) მისი განვითარებადი ქვეყნებისთვის კორონავირუსის ვაქცინის წვდომის გასაადვილებლად და ეფექტური განაწილების უზრუნველყოფის მიზნით ტექტნიკური დახმარების სახით 20,3 მილიონი აშშ დოლარი გამოყო.

აზიის განვითარების ბანკის განცხადებით, გამოყოფილი თანხა ხელმისაწვდომი იქნება ADB-ის წევრებისთვის ვაქცინებთან დაკავშირებული ჯანმრთელობის სისტემის შეფასების და ქვეყნისთვის მზადყოფნის გეგმების შემუშავების მიზნით, ვაქცინების უსაფრთხოდ და ეფექტურად მოპოვების, დანერგვის, განლაგების, მიწოდების და მონიტორინგის შესაძლებლობების გასაძლიერებლად.

”აზიამ და წყნარი ოკეანეთის ქვეყნებმა მნიშვნელოვანი ღონისძიებები გაატარეს COVID-19- ის გავრცელების შეზღუდვისთვის. უსაფრთხო, ეფექტური და სამართლიანი ვაქცინის ხელმისაწვდომობის უზრუნველყოფა შემდეგი საზღვარია ამ ვირუსის წინააღმდეგ ბრძოლაში", — თქვა ADB-ს მდგრადი განვითარების და კლიმატის ცვლილების დეპარტამენტის გენერალურმა დირექტორმა, ვოჩონგუმ.

ADB ელოდება ტექნიკური დახმარების განხორციელებას პარტნიორებთან :UNICEF-თან, ჯანმრთელობის მსოფლიო ორგანიზაციასთან, COVAX-თან, Gavi-სთან, მსოფლიო ბანკთან და სხვებთან კოორდინაციით.

თანხები მოიცავს 20 მილიონ აშშ დოლარს ADB-ის ტექნიკური დახმარების სპეციალური ფონდიდან (TASF) და 300 000 აშშ დოლარს მაღალი დონის ტექნოლოგიური ფონდიდან, რომელსაც იაპონიის მთავრობა აფინანსებს.