ევროპული საქართველოს ერთ-ერთი ლიდერი, გიგი წერეთელი, ქვეყანაში გაუარესებულ ეპიდვითარებას ეხმაურება. მისი თქმით, საჭიროა რესურსების უკეთ მართვა.

წერეთელმა აღნიშნა, რომ კოვიდთან ბრძოლა უნდა გახდეს ქვეყნის უსაფრთხოების მთავარი საკითხი.

"ძალიან მაღალი ციფრებია საქართველოსთვის, ძალიან მაღალი სიკვდილობაა, შესაბამისად ამას სჭირდება ყველა მიმართულებით გაუმჯობესება. განსაკუთრებით ჩართულობა მეტი, მართვა მეტი, კომპეტენტური ადამიანების მხრიდან რჩევების მიღება და რესურსების უკეთესად განაწილება.

ასევე საჭიროა, რომ იყოს კონკრეტული აუცილებელი საკითხები, რაც უნდა იყოს გათვალისწინებული. მაგალითად, პირბადეებს, რომლებსაც ეხლა ასე ვაცხადებთ, გაცილებით ადრე უნდა ყოფილიყო ამის გაცხადების აუცილებლობა, რათა აგვეცილებინა ბევრი შემთხვევა.

ახლა არის რთული მომენტი და ეს რთული მომენტი ქვეყანამ უნდა დაძლიოს. ამისთვის არის საჭირო, რომ ეროვნული უსაფრთხოების მთავარი საკითხი იყოს კოვიდთან ბრძოლა", — განაცხადა წერეთელმა.