ქართული ოცნების აღმასრულებელი მდივანი, ირაკლი კობახიძე დარწმუნებულია, რომ ოპოზიცია საპარლამენტო არჩევნებს საბოლოოდ აღიარებს. ამის შესახებ მან ეუთო/ოდირთან შეხვედრის შემდეგ განაცხადა.

"თქვენ ხედავთ რომ ყველა აღიარებს არჩევნების შედეგებს, მათ შრის, ყველა ჩვენი მთავარი პარტნიორი, ყოველდღიურად მოდის მოლოცვები სხვადასხვა ქვეყნიდან. ერთადერთი ვინც არ აღიარებს დღემდე, ეს არის კონკრეტული რამდენიმე დამარცხებული ოპოზიციური პარტია, თუმცა ამ მიმართულებითაც ჩვენ გვაქვს ოპტიმისტური მოლოდინი და დარწმუნებული ვართ, რომ საბოლოო ჯამში მათი მხრიდანაც იქნება აღიარებული დემოკრატიული არჩევნები", — აღნიშნა ირაკლი კობახიძემ.

31 ოქტომბრის არჩევნების შედეგებს ოპოზიცია არ აღიარებს. ბარიერგადალახულმა რვავე ოპოზიციურმა პარტიამ პარლამენტში შესვლაზე უარი განაცხადა. როგორც ოპოზიციის ლიდერები ამბობენ, ცესკომ არჩევნები გააყალბა, რაც ოქმებითაც დასტურდება. ისინი ხელახალი არჩევნების ჩატარებას მოითხოვენ.