How To Dad პოპულარული არხია Youtube-ზე, რომელიც მთლიანად მამისა და შვილის ურთიერთობის სასაცილო ასპექტებს ეძღვნება. ცოტა ხნის წინ არხზე სახალისო ვიდეო გამოქვეყნდა, რომელიც გვასწავლის, როგორ დავიხმაროთ მცირეწლოვანი შვილი მანქანის გარეცხვაში.

ვიდეომ ორ დღეში მილიონზე მეტი ნახვა და უამრავი გულთბილი კომენტარი დააგროვა.

ერთ-ერთი მაყურებელი ვიდეოს ავტორს ბავშვის უფლებების დარღვევასა და შრომით ექსპლუატაციაშიც კი ადანაშაულებს. ცხადია, ხუმრობით.

How To Dad-ს ამ დროისთვის 90,000-ზე მეტი გამომწერი ჰყავს.