"როგორც ნახევრად ორსულობა არ არსებობს, ისე არ არსებობს ნახევრად თავისუფლება", — განაცხადა რუსთაველზე მყოფმა ევროპული საქართველოს ლიდერმა, გიგი უგულავამ მთავარ არხთან საუბრისას. ამ წუთებში ოპოზიციის ლიდერები და მხარდამჭერები აქციისთვის იკრიბებიან.

"არჩევნები თუ მოპარულია, იმას არაფერი აღარ ეშველება, ახლა გინდა გადააკეთე, გინდა გადმოაკეთე. არანაირ ამ საუბრებში შესვლას აზრი არ აქვს. თავისუფალი არჩევნები ჟვანიას და გამყალბებლების გუნდის გარეშე", — განაცხადა მან.

არჩევნების შემდეგ, როცა ოპოზიციამ აქციები დაანონსა, სამთავრობო გუნდი და საკოორდინაციო საბჭოს წევრები უფრო მკაცრად აცხადებენ, რომ აქციები ვირუსის გავრცელების საფრთხეს შეიცავს და მოუწოდებენ მოქალაქეებსა და პოლიტიკურ ლიდერებს დაიცვან წესები. დღეს, 8 ნოემბერს თბილისში, პარლამენტის წინ ოპოზიციას მასშტაბური აქცია აქვს დაგეგმილ, როემლიც რამდენიმე წუთში დაიწყება.