აღმოჩნდა, რომ ნიუ-იორკში დასაქმებული ადამიანების 40% სამსახურში მასტურბირებს. მიზეზი სხვადასხვა შეიძლება იყოს: დაწყებული დროის გაყვანის სურვილით, დამთავრებული უფროსების წინააღმდეგ ამბოხით.

ნოტინგჰემის უნივერსიტეტის ექიმები შეთანხმდნენ და დაასკვნეს, რომ მასტურბაცია სამსახურში სტრესის მოსახსნელად საუკეთესო საშუალებაა.

მარკ სერჯენტი, ნოტინგჰემის უნივერსიტეტის მკვლევარი აცხადებს, რომ მასტურბაცია სამსახურში შეიძლება შესვენების ისეთივე მიღებული ფორმა გახდეს, როგორიც მოსაწევად გასვლაა.

"მასტურბაცია სამსახურში ძალიან ეფექტური გზაა იმ სტრესთან გასამკლავებლად, რომელსაც სამუშო გარემოში ვაწყდებით", - ამბობს მარკი.

სერჯენტის აზრს იზიარებს ფსიქოლოგი კლიფ არნალიც და აღნიშნავს, რომ მასტურბაცია ადამიანებს ფოკუსირებაშიც დაეხმარება.

"სტრესის მოხსნის გარდა, მასტურბაციის შემდეგ ადამიანები უფრო მეტს მუშაობენ და ხალისიანები ხდებიან", - ამბობს კლიფ არნალი.

თუმცა აქვე უნდა გაითვალისწინოთ, რომ მასტურბაციის დროს სჯობს კოლეგაზე არ იფიქროთ, რადგან ეს ხელს შეგიშლით ნათელი გონებით მუშაობაში. მასტურბაციასაც კონკრეტული მიზანი უნდა ჰქონდეს, სტრესის მოხსნის.

კვლევების თანახმად, ეფექტური მუშაობისთვის ყოველი 50 წუთის შემდეგ 15-17 წუთი უნდა შეისვენოთ. რაში დახარჯავთ შესვენების დროს: კოლეგასთან საუბარში, ყავის სმაში, სიგარეტის მოწევაში თუ მასტურბაციაში - მხოლოდ თქვენზეა დამოკიდებული.

ასე რომ, თუ თქვენი თანამშრომლები ხშირად იკეტებიან საპირფარეშოში, ნუ შეაწუხებთ მათ კარზე კაკუნით. ისინი ცდილობენ, სტრესის მოხსნის პარალელურად კომპანიის პროგრესზეც იზრუნონ.