ბიძინა ივანიშვილის რეზიდენციასთან სროლის საქმეზე ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს. შსს-ს განცხადებით დაკავებული დანაშაულს აღიარებს.

უწყების ცნობით, ნივთმტკიცების სახით ამოღებულია, სავარაუდოდ, ხმოვანი პისტოლეტი და მასში მოთავსებული 2 აირის ვაზნა. ასევე, მათივე თქმით, შემთხვევის ადგილიდან ამოღებულია 6 გასროლილი მასრა, რომლებსაც ექსპერტიზა უტარდება.

შინაგან საქმეთა სამინისტროს ინფორმაციით, დაკავებულმა დღეს, 6 ნოემბერს სოლოლაკში ბიზნესცენტრთან მდებარე საავტომობილო გვირაბში ავტომანქანით გადაადგილების დროს რამდენიმე გასროლა განახორციელა.