წელს პანდემიამ ყველაზე მძიმედ ტურიზმის ინდუსტრიას დაარტყა, თუმცა 2021 წლის მაისიდან დაწყებული მათ, ვისაც მოგზაურობა უყვარს — როგორც მინიმუმ, სიღრმისკენ — იმის შესაძლებლობა ექნებათ, რომ ყველა დროის ყველაზე ცნობილი ჩაძირული გემი თავად იხილონ. მიუხედავად ამისა, ამ პერიოდის განმავლობაში ავიახაზები ბილეთების ფასს კი ამცირებდნენ, რათა მოგზაურობა უფრო წახალისებული ყოფილიყო, მაგრამ, აი, ტიტანიკის ექსკურსიის მოწყობა ნამდვილად ერთეულებს თუ შეეძლებათ.

უკვე საუკუნეზე მეტი გავიდა მას შემდეგ, რაც გემი, რომელიც მისი ინოვაციური დიზაინის გამო ჩაუძირავი ეგონათ, 1912 წელს აისბერგს დაეჯადა და ჩაიძირა. გემის ნანგრევები 1985 წელს რობერტ ბალარდმა აღმოაჩინა და მას შემდეგ ამ ადგილს ასობით ადამიანი ესტუმრა, მათ შორის ჯეიმს კემერონის გადასაღები ჯგუფი ტიტანიკის გადაღებებისას.

ვაშინგტონში არსებულმა კომპანია OceanGate Expeditions-მა გადაწყვიტა, ტიტანიკის განსვენების ადგილს კვლევითი ექსპედიციებისთვის დაუბრუნდეს, რომლებიც შემდეგი წლების განმავლობაში მაისიდან სექტემბრამდე პერიოდებში გაიმართება. ექსპედიციებში რამდენიმე სტუმრის თან წაყვანაც იქნება შესაძლებელი.

OceanGate Expeditions-მა Boeing-სა და ნასასთან თანამშრომლობით შექმნა წყალქვეშა ნავი "ტიტანი", რომელსაც ხუთი ადამიანის დაევა შეუძლია: პილოტის, მეცნიერის და, როგორც კომპანია ამბობს, "მისიის სპეციალისტების", რომელთაგან თითოეულსაც რვადღიანი მოგზაურობისთვის $125 000-ის გადახდა მოუწევს.

ფოტო: OceanGate Expeditions

ექსპედიციის მიზანი კვლევითია. კომპანიის პრეზიდენტს სურს, შეისწავლოს, თუ როგორ იშლება გემი დროთა განმავლობაში; აღწეროს ათასობით არტეფაქტი, რომელიც გემის ნანგრევებშია თავმოყრილი; ჩამოწეროს 300-მდე არსება, რომელმაც დღეს უკვე ჩაძირულ ტიტანიკში ბინა დაიდო და გამოიყენოს ლაზერული სკანერები და ჰიდროლოკატორი, რათა გემისა და მის გარშემო არსებული ნანგრევების დეტალური, სამგანზომილებიანი მოდელი შექმნას. კომპანიას ექსპედიციებიდან აგრეთვე შემოსავლის მიღების იმედი აქვს და, პრეზიდენტის თქმით, "ფულის საშოვნელად მინიმუმ $100 000-ის გადახდაა საჭირო".

მიუხედავად ამისა, მნახველები, რომლებიც ამ თანხას გადაიხდიან, ექსპედიციაში მხოლოდ სამოგზაუროდ არ წავლენ და წყალქვეშა ნავში მიმდინარე კვლევაში დახმარებაც მოუწევთ. ეს ექსპედიცია ტიტანიკს ერთ-ერთ ყველაზე ძვირადღირებულ ტურისტულ ადგილად აქცევს. შედარებისთვის, ევერესტზე რომ მოგინდეთ ასვლა გამოცდილ გიდებთან ერთად, ეს $45 000-ზე მეტი დაგიჯდებათ.