საბურთალოზე ხმების ხელახლა გადათვლა, რომ მოხდეს შესაძლოა, ქართული ოცნების საზიანოდ აღმოჩნდეს, ციფრები შეტანილი. ამბობს ქართული ოცნების წევრი, მამუკა მდინარაძე.

"საბურთალოზე, სადაც, შეიძლება, გადაითვალოს ხმები, არ ვიცი, კომისია რა გადაწყვეტილებას მიიღებს, ისინი დარწმუნდებიან, რომ იგივე რეალობაა. უფრო მეტიც, შეიძლება, ქართული ოცნების საზიანოდ აღმოჩნდეს, შეცდომით გარკვეული ციფრები შეტანილი. ეს, მოხდა სამგორში, როდესაც ოქმი შემოწმდა, აღმოჩნდა, რომ ქართულ ოცნებას ეწერა 200 ხმით ნაკლები. ამ რეალობის წინაშე დადგომა არ უნდათ, აღმოჩნდება, რომ უბრალოდ იტყუებიან. ამიტომ, მიდიან ამ დესტრუქციაზე", — განაცხადა მდინარაძემ.

დღეს საოლქოებთან ოქმების ხელახალი განხილვა აქციის ფონზე მიმდინარეობს.

31 ოქტმბრის არჩევნების ცესკოს გამოცხადებულ შედეგებს ოპოზიცია არ აღიარებს. პარტიებმა საკანონმდებლო ორგანოში შესვლაზე უარი უკვე თქვეს.

პარლამენტის არჩევნები წელს პირველად პროპორციულთან მიახლოებული, 120/30-ზე სისტემით გაიმართა.