ნაციონალური მოძრაობის ლიდერის, ნიკა მელიას განცხადებით, ამ ხნის განმვალობაში მას ელექტროსამაჯური ტყუილად ეკეთა და პროკურატურის გადაწყვეტილებებმაც დაადასტურა.

"ნებისმიერი შეზღუდვაც ტყუილად მქონდა დაწესებული როგორიც არის, მაგალითად, პასპორტის ჩამორთმევა, მე მეკრძალებოდა წელიწად-ნახევრის განმავლობაში საზღვარგარეთ გასვლა, ანუ ვერ გადავკვეთავდი საზღვარს იმიტომ, რომ პასპორტი მაქვს ჩამორთმეული. პლუს სახლში, რაღაც დანადგარი მიყენია, რომელიც აკონტროლებს ჩემს შესვლა-გამოსვლას სახლში და, ასევე, სასამართლო გადაწყვეტილებით მქონდა საზოგადოებრივი თავშეყრის ადგილებზე სიტყვით გამოსვლა, ანუ, მიტინგზე გამოსვლის უფლება არ მქონდა", — ამბობს მელია.

მისივე თქმით, ამ ხნის განმავლობაში საზღვარგარეთ ყოფნის გარდა ყველა სხვა შეზღუდვას მაინც ახროციელებდა:

"როგორც ჩანს, დარწმუნდნენ თავიანთ უსუსურობაში და ეს ყველაფერი გააუქმეს, ანუ პასპორტსაც კი მიბრუნებენ, დანადგარი სახლიდან მიაქვთ. ე.ი. ეს სამაჯური ადრე უნდა მომეწყვიტა და მომეშორებინა".

როგორც მელია ამბობს, ხელისუფლებამ აღიარა, რომ შეზღუდვები იყო უკანონო და არაეფექტური.