შემდეგი პოდკასტი #5: Cargon-ის გზა სილიკონ ველიმდე

Cargon ინტელექტუალურ ალგორითმებზე მომუშავე ციფრული ლოგისტიკური პლატფორმაა, რომელიც ტვირთმფლობელებსა და გადამზიდავებს ერთმანეთთან აკავშირებს. აპლიკაცია ტვირთმფლობელს აძლევს საშუალებას, რომ სწრაფად დაადგინოს გადაზიდვის ფასი და დაუყოვნებლივ მოიძიოს მისთვის შესაფერისი გადამზიდი.

სტარტაპის ისტორია 4 წელზე მეტს ითვლის, თუმცა გუნდისთვის ერთ-ერთი ყველაზე მნიშვნელოვანი ნაბიჯი 500 Startups-ის აქსელერაციის პროგრამაში მონაწილეობა გამოდგა, რომლის პირველი ნაკადის ერთ-ერთი გამარჯვებულიც სწორედ Cargon გახდა. ეს კი ნიშნავს, რომ გუნდი გაზაფხულზე, რამდენიმე კვირით, სან-ფრანცისკოში, სილიკონ ველზე გაემგზავრება, რაც მათ ახალი ინვესტიციებისა და პარტნიორების მოძიების უნიკალურ საშუალებას მისცემს.

ჩვენ Cargon-ის თანადამფუძნებელს, ვანო ჩალაძეს ვესაუბრეთ, რომელიც გვაცნობს სტარტაპის ისტორიას და გვიყვება, როგორია აქსელერაციის ერთ-ერთ ყველაზე ცნობილ პროგრამაში მონაწილეობა.