სამართლიანი არჩევნების ხმების პარალელური დათვლის (PVT) შედეგების მიხედვით, ქართულმა ოცნებამ 45,8% აიღო, ხოლო ნაციონალურმა მოძრაობამ 26,4%. ეს მონაცემები ახლოსაა ცესკო-ს ამჟამინდელ შედეგებთან, თუმცა ყველა პარტიის შემთხვევაში არის ცდომილების ზღვარი.

შედეგები ასეთია:

  • ქართული ოცნება — 45,8% (ცდომილების ხარისხი — 0,7%)
  • ნაციონალური მოძრაობა — 26,4% (ცდომილების ხარისხი — 0,6%)
  • ევროპული საქართველო — 3,7% (ცდომილების ხარისხი — 0,2%)
  • პატრიოტთა ალიანსი — 3,1% (ცდომილების ხარისხი — 0,1%)
  • ლელო — 3,1% (ცდომილების ხარისხი — 0,2%)
  • სტრატეგია აღმაშენებელი — 3% (ცდომილების ხარისხი — 0,1%)
  • გირჩი — 2,8% (ცდომილების ხარისხი — 0,2%)
  • მოქალაქეები — 1,3% (ცდომილების ხარისხი — 0,1%)
  • ლეიბორისტული პარტია — 1% (ცდომილების ხარისხი — 0,1%)
  • ერთიანი საქართველო — 0,9% (ცდომილების ხარისხი — 0,1%)

აღსანიშნავია, რომ ლეიბორისტული პარტიის ხმების პროცენტული მაჩვენებელი მერყეობს 0,9-1,1 პროცენტს შორის, ხოლო ნინო ბურჯანაძე — ერთიანი საქართველოს ინტერვალი 0,8-1 პროცენტს შორისა. შესაბამისად, სამართლიანი არჩევნები აცხადებს, რომ დანამადვილებით არ შეუძლია თქმა, გადალახა თუ არა ამ ორმა პარტიამ მინიმალური ბარიერი პარლამენტში მოსახვედრად.

გარდა ამისა, სამართლიანი არჩევნების აღმასრულებელი დირექტორი ამბობს, რომ შემაჯამებელი ოქმების 8%-ზე დისბალანსი დაფიქსირდა და საარჩევნო პროცესის სანდოობის გაზრდის მიზნით, ცესკო-მ ეს ხმები თავიდან უნდა გადათვალოს.

სამართლიანი არჩევნების ინფორმაციით, ამომრჩეველთა აქტივობამ 56.7% შეადგინა (+/- 0.6 %-იანი ცდომილების ხარისხით), რაც მსგავსია/ნაკლებია 2016 წლის საპარლამენტო არჩევნების ამომრჩეველთა აქტივობის მაჩვენებელთან შედარებით (52.9%).

სამართლიანი არჩევნების არჩევნების დღის დაკვირვება ეფუძნება ხმების პარალელური დათვლის (PVT) მეთოდოლოგიას. PVT მეთოდოლოგია ითვალისწინებს დამკვირვებლების შემთხვევით შერჩეულ საარჩევნო უბნებზე განთავსებას, რომელიც მთელი ქვეყნის მასშტაბით წარმომადგენლობითია.

აღსანიშნავია, რომ ცენტრალურმა საარჩევნო კომისიამ პროპორციული სიების შემთხვევაში ხმების 96,85% უკვე დათვალა და ამ შედეგებით, 48,06 პროცენტით ქართული ოცნება ლიდერობს. ნაციონალურმა მოძრაობამ კი 27,7 პროცენტი აიღო. 3.79% აქვს ევროპულ საქართველოს.