ქართული ოცნების აღმასრულებელი მდივნის, ირაკლი კობახიძის განცხადებით, მინიმუმ 12 ოლქში მეორე ტურია მოსალოდნელი. თუმცა კობახიძის თქმით, ამ ეტაპისთვის 1 600-ზე მეტი ოქმის მონაცემი აქვთ და აბსოლუტურად ყველა ქალაქი და რაიონი აქვთ მოგებული.

"ამ დროისათვის ქართული ოცნების პროცენტული მაჩვენებელი 51%-ია. ეს არის მყარი მონაცემები, რომელიც არის წინასწარი, მაგრამ თამამად შეიძლება ითქვას, რომ ყველა ქალაქი და რაიონი გვაქვს მოგებული, რისთვისაც ამომრჩეველს კიდევ ერთხელ მადლობას ვუხდით", — განაცხადა კობახიძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: