ევროპული საქართველოს ქუთაისის მაჟორიტარობის კანდიდატმა, ოთარ კახიძემ On.ge-ს აცნობა, რომ მას გადასატანი ყუთით ხმის მიცემის შესაძლებლობას მისცეს.

"ახლა დამირეკეს ცესკოდან და მითხრეს, რომ მომეცემა ხმის მიცემის საშუალება, თუმცა მოხლოდ მე, ჩემს მეორე ნახევარსა და თანაგუნდელს არა", — ამბობს კახიძე.

მანამდე ოთარ კახიძეს არჩევნებში ხმის მიცემის შესაძლებლობა არ მიეცა. კორონავირუსის დადასტურების გამო, მას გადასატანი ყუთის მეშვეობით უნდა მიეცა ხმა. თუმცა, როგორც კახიძემ ჩვენთან საუბარში თქვა, ცესკოში უთხრეს, რომ სპეციალურ სიაში ის დარეგისტრირებული არ არის.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: