საქართველოს ახალგაზრდა იურისტთა ასოციაციის თავმჯდომარის განცხადებით, არჩევნების დღეს პოლიტიკური პარტიის წარმომადგენლის იარაღით გადაადგილება მიზანშეწონილი არ არის და არ აქვს მნიშვნელობა, აქვს თუ არა ამ ადამიანს იარაღის ტარების უფლება. ასე გამოეხმაურა სულხან სალაძე ნაციონალური მოძრაობის წარმომადგენლის, დიმიტრი შაშკინის მიერ იარაღის ტარებას.

"არც მიზანშეწონილია, არც საჭირო და არ აქვს მნიშვნელობა, კონკრეტულ პირს აქვს თუ არა იარაღის ტარების უფლება. თუ ტარების უფლება აქვს, ისედაც გამორიცხულია ის არჩევნებზე კენჭისყრის დღეს იარაღით გადაადგილდებოდეს, თუნდაც პარტიის ოფისთან. ვფიქრობ, ეს არ არის კარგი ჟესტი. მით უმეტეს, ეს ხდება იმ რეგიონებში, რომელიც ერთ-ერთი დაძაბულია დღეს და დარღვევების დიდი ნაწილი, მათ შორის, ფიზიკური ანგარიშსწორების შემთხვევებზე, მოდის სწორედ ქვემო ქართლის რეგიონიდან. ამიტომ, ყველა პოლიტიკურ პარტიას მოვუწოდებდი, თავი შეიკავონ მსგავსი ქმედებებისგან, რომელმაც, თუნდაც ხელოვნურად, შეიძლება დაძაბოს უბნებზე და მის მიმდებარედ სიტუაცია", — აცხადებს სულხან სალაძე.

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: