ქართული ოცნების ერთ-ერთი ლიდერისა და თბილისის მერის, კახა კალაძის განცხადებით, არის შესაძლებლობა, რომ მმართველი პარტიის მაჟორიტარობის კანდიდატებმა 30-ვე ოლქში მეორე ტურების გარეშე გაიმარჯვონ. ამის შესახებ მან ხმის მიცემის შემდეგ, საარჩევნო უბანთან ისაუბრა.

"ჩვენ ძალიან ბევრი შეხვედრა გავმართეთ, ყველა რაიონში, ყველა ქალაქში ვიმყოფებოდით საარჩევნო კამპანიის ფარგლებში, ძალიან ბევრ ადამიანს შევხვდით და ის განწყობები, რაც არის ჩვენი გუნდის მიმართ, გვაძლევს საფუძველს, რომ ჩვენ პირველივე ტურში, 30-ვე მაჟორიტარულ ოლქში არის გავიმარჯვებთ მეორე ტურების გარეშე", — განაცხადა მან.

ჟურნალისტების კითხვას, რა აძლევს ამ ვარაუდის საფუძველს, კალაძე პასუხობს, რომ კვლევები და საზოგადოების დამოკიდებულება.

"რეალურად, ქვეყანაში ერთადერთი პოლიტიკური ძალა, ვისაც აქვს ხედვა, თუ როგორ განავითაროს ქვეყანა, როგორ შეინარჩუნოს სტაბილურობა, მშვიდობა დას მოახერხოს ქვეყნის განვითარება ეკონომიკურად, რაც შეიძლება სწრაფად, არის ქართული ოცნება", — თქვა კალაძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: