ბრიფინგზე, რომელზეც გაირკვა, რომ ნაციონალურ მოძრაობას მისი წევრები ტოვებენ, სიტყვით გამოვიდნენ დავით ბაქრაძე და გიგი უგულავა.

უგულავამ განაცხადა, რომ მიხეილ სააკაშვილი ის ლიდერი აღარაა, რომელმაც 2002 წელს ხალხი გააერთიანა:

"სააკაშვილი დღეს მხოლოდ საკუთარი თავის პრობლემაა, ხოლო ჩვენთვის, ადამიანური ტკივილი. მაგრამ სააკაშვილი, მას შემდეგ, რაც ლიდერი და ქვეყნის პრეზიდენტი, ლელა ქებურიას, რომელიც 2013 წლის შემდეგ ჩვენი პარტიის წევრია, როცა ივანიშვილის ტიტუშკები კვერცხებს და კარტოფილებს გვესროდნენ, როცა ის კორცხელში მუტრუკებს გადაეფარა, დაუწყებს პრავების კაჩავს, ეს ადამიანი აღარაა ლიდერობის ღირსი, ეს ადამიანი აღარ ასხივებს ლიდერობას, მე ამას ვამბობ გულისტკივილით, რომელიც 2002 წელს ხალხს აერთიანებდა და მათ იმედს აძლევდა".