რუსეთის შინაგან საქმეთა სამინისტრომ უარყო ინფორმაცია აფხაზეთის თვითგამოცხადებლი რესპუბლიკის ტერიტორიაზე რუსული სამხედრო პოლიგონის მშენებლობასთან დაკავშირებით. ამის შესახებ რუსული სააგენტო RIA NOVOSTI იუწყება.

სააგენტოს ცნობით, სამინისტრო აფხაზეთში არანაირ სამუშაოებს არ აწარმოებს და არც მომავალში აპირებს:

"სამხრეთ სამხედრო მონაკვეთის პრესსამსახურში საქართველოს პირველი პირის მრჩევლის საერთაშორისო საკითხებში, თენგიზ ფხალაძის განცხადებამ, თითქოს აფხაზეთში რუსული სამხედრო პოლიგონი შენდება, გაუგებრობა გამოიწვია. არანაირი სამშენებლო ან სხვა სამუშაოები არ მიმდინარეობს."

რუსული და აფხაზური წყაროებით გავრცელებული ინფორმაციის თანახმად, 2017 წლის 3 იანვარს აფხაზეთის რეგიონში რუსეთის საოკუპაციო ძალებმა სამხედრო პოლიგონის მომზადების მიზნით გაანადგურეს გულრიფშის რაიონის სოფელ წებელდასთან არსებული მრავალფენიანი არქეოლოგიურ-არქიტექტურული ძეგლი - VIII-IX და გვიანი შუა საუკუნეების ნასოფლარი, სამაროვანი, ეკლესიის ნანგრევი და ასევე XX ს-ის შუა ხანების პოლონელთა სასაფლაო.