ხობში, სოფელ ხეთაში სამ პირს შორის ფიზიკური დაპირისპირება მოხდა.

შინაგან საქმეთა სამინისტროს ინფორმაციით, ერთ-ერთი პირი სახლში დაბრუნების შემდეგ გარდაიცვალა. უცნობია, მიყენებული ფიზიკური დაზიანებები გახდა თუ არა გარდაცვალების მიზეზი.

შსს-ს ცნობით, ორი პირი დაკავებულია და მათი გამოკითხვა მიმდინარეობს. მათივე ინფორმაციით, საქმეზე გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.