რუსთავი 2-ის გენერალური დირექტორის, ნიკა გვარამიას ცემის ფაქტთან დაკავშირებით განცხადება აშშ-ის ელჩმა საქართველოში, იან კელიმ გააკეთა. რუსთავი 2-ის ცნობით, აშშ-ის საელჩო პროცესს ყურადღებით დააკვირდება:

"ჩვენ ძალიან შევწუხდით იმ ამბის გამო, რომ ბატონ გვარამიას შეურაცხყოფა მიაყენეს. მივესალმებით იმას, რომ მთავრობამ დაიწყო გამოძიება, რადგან პიროვნება საყოველთაოდ ცნობილია, არსებობს ვიდეოც. ამ ფაქტმა ჩვენ ძალიან შეგვაშფოთა, ამიტომ, ამ პროცესს ყურადღებით დავაკვირდებით."

7 იანვარს ნიკა გვარამიამ განაცხადა, რომ მას და მის თანმხლებ პირებს ფიზიკური შეურაცხყოფა მიაყენეს.

8 იანვარს, შსს-მ რატი გაჩეჩილაძე ნიკა გვარამიაზე განხორციელებული ძალადობის ბრალდებით დააკავა და გამოძიება საქართველოს სისხლის სამართლის კოდექსის 126-ე მუხლით დაიწყო, რაც "ძალადობას" გულისხმობს.