ევროპული საქართველოს საარჩევნო შტაბის ხელმძღვანელის, სერგი კაპანაძის თქმით, ოთხშაბათს, 21 ოქტომბერს პარტიას სამანქანო მსვლელობა, სახელწოდებით "დაუპიპინე ბიძინას", საქართველოს თითქმის ყველა დიდ ქალაქში ექნება.

"ოთხშაბათს მთელი ქვეყნის მასშტაბით, საქართველოს თითქმის ყველა ქალაქში გვექნება ავტომარშები და, ასევე, გვექნება ავტოკოლონები, რომლებიც თბილისში ჩამოვლენ. დღის განმავლობაში რამდენჯერმე გვექნება ავტომანქანების მარში ივანიშვილის ბიზნესცენტრთან, კოდური სახელწოდებით "დაუპიპინე ბიძინას". ჩვენ გამოვხატავთ ჩვენს პროტესტს და ჩვენს დამოკიდებულებას ისე, რომ მაქსიმალურად დავიცვათ კოვიდთან დაკავშირებული მოთხოვნები",— განაცხადა კაპანაძემ.