დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 14

ინფექციური საავადმყოფოს დირექტორის, თენგიზ ცერცვაძის თქმით, შეიქმნება მობილური ჯგუფები, რომლებიც კოვიდლინიკებში მდგომარეობას შეაფასებენ. როგორც ცერცვაძემ აღნიშნავს, ამის შესახებ მათ ჯანდაცვის სამინისტროში იმსჯელეს.

კლინიკური ჯგუფის ხელმძღვანელი განმარტავს, რომ ოპერატიული ჯგუფების შემადგენლობაში იქნება ერთი რეანიმატოლოგი, ერთი ინფექციონისტი და ერთი ადმინისტრატორი. მსგავსი ჯგუფი კი 4-5 ან მეტი იქნება.

"ეს იქნება მობილური ჯგუფები, რომელთა ძირითადი დანიშნულება იქნება მყისიერი და ოპერატიული კომუნიკაციის განხორციელება ყველა კოვიდკლინიკასთან. პირველ რიგში, თბილისის კოვიდკლინიკებთან და ბათუმის რესპუბლიკურ საავადმყოფოსთან. აი, ამ პოლიკლინიკებში სიტუაციის ოპერატიულად გაცნობა და რამდენიმე დღეში დასკვნების დადება, რა ძლიერი და სუსტი ადგილები აქვთ კლინიკებს, რა არის დასახვეწი, რა არის შესანარჩუნებელი და რა არის შესაცვლელი", — განაცხადა ცერცვაძემ.

12 ოქტომბერს საქართველოში კორონავირუსის 478 ახალი შემთხვევა დაფიქსირდა. გამოჯანმრთელდა — 211. ბოლო მონაცემებით, სულ 12 272 შემთხვევაა დადასტურებული. აქედან, 6 538 ადამიანი უკვე გამოჯანმრთელდა. კორონავირუსით სულ 93 ადამიანი გარდაიცვალა.

ამ დროისთვის კარანტინის რეჟიმში 5 590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 393 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: