კომპანია აჭარაბეთის საპატიო ელჩმა, UFC-ის (Ultimate Fighting Championship) ქართველმა მებრძოლმა გიგა ჭიკაძემ, ზედიზედ მეოთხე ბრძოლა მოიგო. გიგა ჭიკაძე მებრძოლთა კუნძულზე დაუმარცხებელ ომარ მორალესს დაუპირისპირდა. ბრძოლაში გიგამ დამაჯერებელი და სანახაობრივი გამარჯვება მოიპოვა.

"ომარ მორალესის წინააღმდეგ საკმაოდ დაძაბული ბრძოლა იყო, ძალიან ძლიერი მეტოქე მყავდა, ყველა მას მიიჩნევდა ფავორიტად ამ ბრძოლაში. რამდენიმე დღე დავისვენებ და შემდეგ დავიწყებ მზადებას და, ალბათ, მალე ჩაინიშნება შემდეგი ბრძოლა, რომელიც, სავარაუდოდ, წლის ბოლოსთვის გაიმართება. მებრძოლთა კუნძულზე მიღებული გამოცდილება ძალიან საინტერესი იყო ჩემთვის. ძალიან დიდი მადლობა ჩემს გულშემატკივრებს, ჩემთვის ეს ძალიან მნიშნელოვანია", — აღნიშნა გიგამ.

გიგა ჭიკაძე არის პირველი ქართველი სპორტსმენი, რომელიც მედისონ-სკვერ-გარდენში გამართულ ბრძოლაში მონაწილეობდა. გარდა ამისა, ის არის მსოფლიო ჩემპიონი კარატეში, კიკბოქსინგსა და ჯიუჯიცუში.

ფოტო: აჭარაბეთი