ლელოს ისნის ოლქის მაჟორიტარი დეპუტატობის კანდიდატმა, ლანა გალდავამ განაცხადა, რომ სუს მის წინასაარჩევნო კამპანიას ხელს უშლის.

გალდავას თქმით, მეტრომშენის დასახლებაში მას და თავისი ოფისის წევრებს პლაკატების გაკვრისას ძალოვანი სტრუქტურების წარმომადგენლებმა პერსონალური მონაცემები მოსთხოვეს. მისივე თქმით, გარდა ამისა, ძალოვანებმა ისინი დააშინეს, რომ იმ მონაცემებით მათი იდენტიფიცირება მოხდებოდა და ზეწოლას განახორციელებდნენ.

"გამოიძახეს სამი ეკიპაჟი, რის შემდეგაც პირადად მივედი და დავაფიქსირე არა მხოლოდ პატრულ-ინსპექტორები, არამედ პირები დაბურულ შუშებიანი მანქანებით, რომლებიც შემდეგ ლოკაციაზე გამომყვნენ. ერთ-ერთს ხელკეტიც კი ჰქონდა მანქანაში. ეს არის პირდაპირი ზეწოლა ჩემზე და ჩემს თანამშრომლებზე. ყველა ეს პირი იდენტიფიცირებულია, ისინი იყვნენ გამგეობის სოციალური სამსახურის წარმომადგენლები და მეტრომშენის ზონის კოორდინატორი ქართული ოცნებიდან", — განაცხადა ლანა გალდავამ.

გარდა ამისა, გალდავას თქმით, ქუჩის კლასტერი, რომლებიც, ე.წ ავტორიტეტით სარგებლობენ თავიანთ უბანში, თავიანთ ავტორიტეტს ამომრჩეველზე ზემოქმედებისთვის იყენებენ.