მაღრაძე ქართული ოცნების სიაზე: ვუთხარი, თუ გჭირდებით — ვიმუშავებ, თუ არა

მმართველი გუნდის დეპუტატის, გუგული მაღრაძის განცხადებით, ქართულ ოცნებას პარტიულ სიაში ყოფნა შესთავაზა. მაღრაძემ უარი მიიღო და ახალ სიაში არ არის.

"როცა იყო შეხვედრა პარტიის ლიდერშიფთან, მაშინ მკითხეს, თქვენ როგორ წარმოგიდგენიათო. მე ვუთხარი, როგორც წარმომიდგენია, მაქვს გამოცდილება, მაქვს ცოდნა, მაქვს განათლება, ვარ შრომისმოყვარე ადამიანი. პრინციპში, შემიძლია ვიმუშავო კიდევ, თუ თქვენ ეს გჭირდებათ — გუგული მაღრაძე მომავალ პარლამენტში. თუ არ გჭრდებათ, მე ვუთხარი კარგად ბრძანდებოდეთ, მე ყოველთვის გზას ვნახავ და ეს თქვენი გადასაწყვეტია. მათ თქვეს, რომ მოვიფიქრებთ", — განაცხადა მან TV პირველის ეთერში.

მისი თქმით, არ აპირებს პოლიტიკას თავი დაანებოს და სხვადასხვა ფორმით იქნება ჩართული.

"ხშირად ძალიან რთულია, შენ თვითონ უარი თქვა საღაციდან წასვლაზე", — განაცხადა მაღრაძემ.

მისი თქმით, პარტიის პირველი ოცეული მოსწონს, მაგრამ პარტიის სრული საარჩევნო სია არც კი უნახავს. მისივე თქმით, არჩევნებზე ხმას ისევ ქართულ ოცნებას მისცემს.

სულ ხომ არ ვიქნები, 12 წელია პარლამენტში ვარ, ხალხნო — მაღრაძე "ოცნების" სიის გარეთ დარჩენაზე

ქართული ოცნების პარტიულ სიაში მოხვდნენ როგორც ბოლო მოწვევის პარლამენტის წევრები, ისე ახალი სახეები. მათ შორის, ამბოხებული დეპუტატებიც, რომლებმაც პროპორციული საარჩევნო სისტემის კანონპროექტი ჩააგდეს.

გაიგეთ მეტი:

ბოლო ამბები:

გირჩევთ