ვარკეთილში ერთ-ერთ საცხოვრებელ კორპუსზე პორტრეტი დახატეს, რასაც სოციალურ ქსელში კითხვები მოყვა იმის შესახებ, თუ ვისი გამოსახულებაა კედელზე და ვის ეკუთვნის ნახატი.

თბილისის მერიაში On.ge-ს განუცხადეს, რომ კორპუსის მოხატვა მათთან შეთანხმებული იყო, თუმცა მათთვის უცნობია, ვინაა პორტრეტზე ასახული. მათი თქმით, ნახატი საერთაშორისო ფესტივალის, Tbilisi MURAL fest ფარგლებში ცნობილი სერბი მხატვრის, Artez-ის მიერ არის შესრულებული.

როგორც On.ge-ს ფესტივალის ორგანიზატორმა განუცხადა, ნახატზე გამოსახული გოგო კონკრეტული პიროვნება არ არის და ის მხატვრის ჩანაფიქრია.