რიო დე ჟანეიროს გარეუბანში დამწვარი ადამიანის გვამი იპოვეს ავტომობილში, რომელიც ბრაზილიაში საბერძნეთის ელჩს, კირიაკოს ამირიდისს გაუჩინარებამდე ჰქონდა ნაქირავები. BBC-ის ინფორმაციით, ელჩი 3 დღის წინ გაუჩინარდა და ქვეყნის დედაქალაქიდან რიოში, კოპაკაბანას სანაპიროზე ახალი წლის შესახვედრად მარტო მიდიოდა.

სამართალდამცავთა ცნობით, ელჩი ბოლოს თავის ცოლს ესაუბრა ტელეფონით, რის შემდეგაც მასთან კავშირი დაიკარგა. მიმდინარეობს ცხედრის ექსპერტიზა, რის შემდეგაც დაზუსტებით გახდება ცნობილი, გარდაცვლილი არის თუ არა დიპლომატი.

რიო დე ჟანეირო ერთ-ერთი ყველაზე კრიმინალური ქალაქია მსოფლიოში და ადგილობრივი პოლიცია საკმარისად ვერ უმკლავდება დანაშაულის აღკვეთას.