თბილის-მარნეულის გზაზე ქართული ოცნების საარჩევნო სპეციალისტ თემურ შუბითიძეს ფიზიკურად გაუსწორდნენ.

როგორც დაშავებულის ძმა ამბობს, შუბითიძის მანქანას უკნიდა ჯერ ავტომობილი დააჯახეს და გადმოსვლის შემდეგ ცემა დაუწყეს. მისივე თქმით, გუშინ მარნეულში მომხდარი დაპირსპირების დროს შუბითიძე შტაბში იმყოფებოდა და უშუალო მონაწილეობა არ მიუღია.

ქართული ოცნება აღნიშნულ ფაქტს წუხელ მარნეულში მომხდარ დაპირსპირებას უკავშირებს და ამბობს, რომ მათი წარმომადგენელი სასტიკადაა ნაცემი.

"ეს ადამიანი არის საარჩევნო სპეციალისტი, ის უზრნველყოფს საუბნო საარჩევო კომისიებში ჩვენი წარმომადგენლების დაკომპლექტებას და როცა მარნეულში ვეღარ გაბედეს პროცოკაციის მოწყობა, ლაჩრულად სცემეს", — განაცხადა პარლამენტის თავმჯდომარის მოადგილემ, მამუკა მდინარაძემ.

შინაგან საქმეთა სამინისტროს ინფორმაციით, საქმეზე გამოძიება საქართველოს სისხლის სამართლის კოდექსის 126-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.