Polly Pocket უამრავი ბავშვის საყვარელი სათამაშოა. ეს ჯადოსნური, ციცქნა ყუთია, რომლის გახსნისთანავე საოცარი სამყარო იშლება. მისი მთავარი ჯადოსნურობა დეტალებში იმალება — ინტერიერსა და დიზაინში, რომელსაც სათამაშოს შემქმნელები დიდი ყურადღებით ეკიდებიან.

სათამაშო თავდაპირველად დიდ ბრიტანეთში, 80-იანი წლებიდან გამოჩნდა. პირველი პოლი პოქეთი 1983 წელს, ალბათ ამ წლის საუკეთესო მამამ, კრის ვიგსმა, თავისი შვილისთვის, კეიტისთვის შექმნა. ინოვაციური სათამაშო მან კოსმეტიკური სახის ფხვნილის ყუთში გააკეთა, სადაც პატარა გოგოს თავისი სახლი ჰქონდა მოწყობილი.

1983 წელს შექმნილი Polly Pocket

ფოტო: Attar Yuval

სათამაშოს დიზაინი ნელ-ნელა დაიხვეწა. შემდეგ იყო ნიჟარებში მოთავსებული პაწაწინა სახლები, რომლებიც აი ასე ზღაპრულად გამოიყურებოდნენ.

მოგვიანებით ბრენდი ამერიკულმა Mattel-მა შეიძინა ბრიტანული Bluebird Toys-სგან. თუმცა, პოლი ფოქეთის სამშობლოში მის მიმართ ნოსტალგიას ვერ თმობენ. გაერთიანებულ სამეფოში სათამაშოების მაღაზია TheToyZone-მა სერიალებითა და ფილმებით შთაგონებული სათამაშოები ხელოვან იან კუდელასთან კოლაბორაციით შექმნა. მათში აღმოაჩენთ საყვარელ გმირებსა — ჰომერს, ვილ ბაიერს, გენდალფს და გარემოს, რომელიც წამიერად მიგახვედრებთ, რომელი კინოპროდუქტთან გვაქვს საქმე.

Stranger Things (უცნაური ამბები)

ფოტო: JAN KOUDELA / THE TOY ZONE

The Simpsons (სიმპსონები)

ფოტო: JAN KOUDELA / THE TOY ZONE

The Royal Tenenbaums (ტენენბაუმების ოჯახი)

ფოტო: JAN KOUDELA / THE TOY ZONE

The Lord of the Rings (ბეჭდების მბრძანებელი)

ფოტო: JAN KOUDELA / THE TOY ZONE

The Shining (ნათება)

ფოტო: JAN KOUDELA / THE TOY ZONE

Friends (მეგობრები)

ფოტო: JAN KOUDELA / THE TOY ZONE

სახლის თანამედროვე, გამორჩეული დიზაინით მოწყობაში ამიერკავკასიაში ყველაზე დიდი სამშენებლო და სარემონტო მასალების ჰიპერმარკეტი მიჰაუსი დაგეხმარებათ. 12 000 კვ. მეტრზე გაშლილ სივრცეში თქვენ შეხვდებით 60 000-მდე დასახელების პროდუქციას მსოფლიოს მრავალი ქვეყნიდან.

პროდუქციის ვირტუალურ ინტერიერში აღქმის შესაძლებლობით, ონლაინ მაღაზიით, სწრაფი მიტანის სერვისით, ლოიალურობის პროგრამებითა და სხვა უპირატესობებით მიჰაუსი თქვენი სახლის თუ სამუშაო სივრცის სიმყუდროვესა და კომფორტს უზრუნველყოფს.