ამერიკელი მსახიობი დები რეინოლდსი შვილის, კერი ფიშერის, სიკვდილიდან, მეორე დღეს გარდაიცვალა. ინფორმაცია რეიონლდსის მეორე შვილმა, ტოდ ფიშერმა, გაავრცელა:

"ის ახლა კერისთან ერთადაა, მაგრამ ჩვენ უსაზღვროდ გულგატეხილები ვართ".

BBC-ის ცნობით, 84 წლის მსახიობი საავადმყოფოში სავარაუდო გულის შეტევით გადაიყვანეს, თუმცა მისი გადარჩენა ვერ მოხერხდა.

ტოდ ფიშერის თქმით, მისი დის, კერი ფიშერის სიკვდილი, დედისთვის მეტისმეტი იყო და მისი ბოლო სიტყვები სწორედ ამას უკავშირდებოდა:

"მე მინდა ჩემს კერისთან ერთად ვიყო".

კერი ფიშერი სამშაბათს, 27 დეკემბერს, გარდაიცვალა.