ნაციონალური მოძრაობის მაჟორიტარობის კანდიდატის, ნიკა მელიას განცხადებით, ამომრჩევლებთან შეხვედრისას ქვები ესროლეს. მისი თქმით, ამ დროს მასთან ერთად ბავშვები და ქალები იყვნენ, როცა კორპუსებიდან ქვები ისროლეს.

მელიას თქმით, ამ ფაქტის შემდეგ მოხდა შელაპარაკება ქართული ოცნების რამდენიმე აქტივისტთან. მისივე თქმით, იმის მაგივრად, რომ გაერკვიათ ვინ ისროლა ქვა, ისინი პოლიტიკურ გზავნილებს აგრძელებდა.

"ეს ყველაფერი ნიშანი არის და კიდევ ერთხელ დავრწმუნდი მტკიცედ, რომ ეს ხელისუფლება დამარცხდება ძალიან მძიმე დემოკრატიული ტალღით", — განაცხადა მან მთავარ არხთან საუბრისას.

ნიკა მელია გლდანში იყრის კენჭს ძალა ერთობაშიას სახელით. ის ოპოზიციის შეთანხმებული კანდიდატია. მისი კონკურენტი გლდანში მმართველი გუნდიდან ლევან კობიაშვილია.