ამერიკულ-ქართული განათლების ცენტრის ორგანიზებით და ესპანურ IE University-სა და რუმინულ Babeş-Bolyai University-სთან თანამშრომლობით 2020 წლის 10 ოქტომბერს, 12:00-დან 18:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 22 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტების წარმომადგენლებს და დაუსვან მათთვის საინტერესო კითხვები.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

უტრეხტის უნივერსიტეტი გახლავთ სახელმწიფო საერთაშორისო კვლევითი უნივერსიტეტი, რომელიც მდებარეობს ნიდერლანდებში, ქალაქ უტრეხტში. უნივერსიტეტი დაარსდა 1636 წლის 26 მარტს და დღევანდელ დღეს გახლავთ ქვეყნის ერთ-ერთი ყველაზე ძველი უნივერსიტეტი.

უტრეხტის უნივერსიტეტში 12 ნობელისა და 13 სპინოზის ლაურეატი სწავლობდა. მსოფლიო საუნივერსიტეტო რეიტინგში უტრეხტის უნივერსიტეტი საუკეთესო ასეულში შედის. შანხაის მსოფლიო საუნივერსიტეტო რეიტინგის 2019 წლის მაჩვენებლით, ნომინირებულია, როგორ ცნიდერლანდების საუკეთესო უნივერსიტეტი, 13-ე საუკეთესო უნივერსიტეტი ევროპაში და 49-ე საუკეთესო უნივერსიტეტი მსოფლიოში.

1998 წელს ასევე დაარსდა უტრეხტის უნივერსიტეტ-კოლეჯი (University College Utrecht), თავისუფალი მეცნიერებების (liberal arts) 3 წლიანი უნივერსიტეტი.

უტრეხტის უნივერსიტეტი საბაკალავრო, ისევე როგორც სამაგისტრო და სადოქტორო პროგრამების მრავალფეროვან არჩევანს სთავაზობს მომავალ სტუდენტებს.

საუნივერსიტეტო პროგრამა 7 ფაკულტეტისგან შედგება, სადაც ჰუმანიტარული, ისევე როგორც სამეცნიერო ფაკულტეტები შედის.

სწავლის საფასური ბაკალავრიატის დონეზე, პროგრამის მიხედვით მერყეობს 10 288 ევროდან 23 005 ევრომდე წელიწადში. მაგისტრატურის შემთხვევაში ფასები მერყეობს 17 078 ევროსა და 26 441 ევრომდე.

უტრეხტის უნვიერსიტეტი სტუდენტებს ბაკალვრიატზეც და მაგისტრატურაზეც აძლევს სწავლის თანადაფინანსების მიღების შესაძლებლობას სხვადასხვა საგრანტო პროგრამითა და სტიპენდიით.

უნივერსიტეტი გვთავაზობს საზაფხულო სკოლის პროგრამებსაც, სადაც მსურველებს შესაძლებლობა ექნებათ წინასწარ გაეცნონ საბაკალავრო პროგრამების შინაარსს. ასევე სტუდენტებს საშუალება ექნებათ საბაკალავრო სწავლების დროს, დამატებით კრედიტები სწორედ საზაფხულო კურსის დახმარებით მოიპოვონ.

თქვენ გაქვთ შესაძლებლობა პირადად შეხვდეთ უტრეხტის უნივერსიტეტის წარმომადგენელს განათლების საერთაშორისო ვირტუალურ გამოფენაზე 10 ოქტომბერს, 12 საათიდან 18 საათამდე. შემოგვიერთდით: leafonlinefair.com