ეროვნული ბანკის პრეზიდენტი, კობა გვენეტაძე აცხადებს, რომ პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ, კურსი მის წონასწორულ ნიშნულს დაუბრუნდება. ამის შესახებ ის ფეისბუქზე წერს.

მისივე თქმით, ეროვნული ბანკის ამჟამინდელი ინტერვენციების მიზანი არა ლარის გამყარება, არამედ ბაზარზე უცხოური ვალუტის მიწოდებაა.

"საქართველოში მოქმედებს მცურავი გაცვლითი კურსის რეჟიმი, რაც ჩვენნაირი მცირე, ღია ეკონომიკისთვის ოპტიმალური არჩევანია. პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. [...] მიუხედავად იმისა, რომ მცურავი კურსის პირობებში შეუძლებელია იმის თქმა, თუ სად არის ამა თუ იმ ვალუტის წონასწორული კურსი, დიდი ალბათობით, დღეს ლარი წონასწორულზე მეტად გაუფასურებულია", — განმარტავს კობა გვენეტაძე.

ეროვნულ ბანკის გაცვლითი კურსით, ერთი დოლარი 3,2537 ლარი ღირს, ხოლო ერთი ევრო — 3,8267 ლარი.

დღეს, 23 სექტემბერს 40 მილიონ დოლარს გაყიდის. მსგავსი ინტერვენცია მათ 16 სექტემბერსაც განახორციელეს.