დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ზუგდიდის მუნიციპალიტეტის მერის გიორგი შენგელიას თქმით, ზუგდიდის მერიაში სამ თანამშრომელს კორონავირუსი დაუდასტურდა. ამ ეტაპზე ყველა თანამშრომელს ტესტირება უტარდებათ.

"ჩვენ მერიაში 3 ადამიანს დაუდგინდა კორონავირუსი. ჩვენ აქამდეც დისტანციურ მუშაობაზე ვიყავით, მხოლოდ ოცდაათპროცენტიანი დატვირთვით ვმუშაობთ, შესაბამისად ამ თანამშრომლების კონტაქტი დანარჩენ თანამშრომლებთან არის მინიმალური, თუმცა ჩვენ ვატარებთ ყველა ზომას, რათა მაქსიმალურად მოხდეს გამოვლენა ყველა შემთხვევის. ამ ეტაპზე თანამშრომლებს უტარდებათ ტესტირება, ასევე ხდება ადმინისტრაციული შენობის დეზინფექცია", — განაცხადა გიორგი შენგელიამ.

საქართველოში კორონავირუსის 227 ახალი შემთხვევა გამოვლინდა. გამოჯანმრთელდა 69 ადამიანი. ინფორმაცია StopCov-ს ვებგვერდზე განახლდა.

ინფექციური საავადმყოფოს ბოქსირებული განყოფილების უფროსის, მარინა ენდელაძის განმარტებით ახალი შემთხვევებიდან 165 აჭარაში, 34 კი თბილისში გამოვლინდა. იმერეთში — 14, გურიაში — 4, დუშეთში — 1, ხოლო ზუგდიდში — 2.

23 სექტემბრის მონაცემებით, ქვეყანაში სულ კორონავირუსის 4 140 შემთხვევაა გამოვლენილი, საიდანაც 1 643 უკვე გამოჯანმრთელდა, 24 კი გარდაიცვალა.

კარანტინში არის 5 255 პირი, ხოლო სტაციონარში მეთვალყურეობის ქვეშ — 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: