უკვე მრავალი წელია მიდის საუბარი კინოს დაფინანსების ზრდასა და რეჟისორების წახალისებაზე. ამის მიუხედავად, ეროვნული კინოცენტრისთვის გამოყოფილი ბიუჯეტი შემცირდა.

ოფიციალურ განცხადებაში აღნიშნულია, რომ 2017 წლიდან საქართველოს მთავრობა საბიუჯეტო ხარჯების შემცირებას იწყებს და ეს ცვლილება კინოცენტრსაც შეეხება.

"ჩვენ კარგად ვაცნობიერებთ, თუ რა სავალალო შედეგები შეიძლება მოჰყვეს კინოცენტრისთვის ბიუჯეტის შემცირებას, როგორც ცალკეული კინემატოგრაფისტებისთვის, ასევე მთლიანად სექტორისთვის. ეროვნული კინოცენტრი ყველაფერს გააკეთებს იმისთვის, რომ არსებული მდგომარეობა შედარებით უმტკივნეულოდ აისახოს სექტორზე", - ნათქვამია კინოცენტრის განცხადებაში.