ბათუმის საქალაქო სასამართლოში ორ ადვოკატს კორონავირუსი დაუდასტურდა. როგორც On.ge-ს საქალაქო სასამართლოში უთხრეს, აღნიშნული ადვოკატები პროცესებს გუშინ ესწრებოდნენ, ამიტომ სასამართლო მუშაობის სრულიად დისტანციურ რეჟიმზე გადადის.

"ჩვენ აქამდეც ვმუშაობდით დისტანციურად, თუმცა ახლა სხდომათა დარბაზში დასწრება აიკრძალება", — განაცხადეს სასამართლოში.

17 სექტემბრის მონაცემებით, საქართველოში კორონავირუსის 179 ახალი შემთხვევა გამოვლინდა. მათგან, 126 აჭარაში გამოვლინდა.

ქვეყანაში, ჯამში, კორონავირუსის სულ 2 937 შემთხვევაა დადასტურებული. აქედან უკვე 1 422 გამოჯანმრთელდა, ხოლო 19 გარდაიცვალა.

ამ ეტაპისთვის კარანტინშია 6 633 ადამიანი, ხოლო სტაციონარში მეთვალყურეობის ქვეშ 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: