რუსეთის თავდაცვის მინისტრის ცნობით, ტუ-154-ის ფრაგმენტები შავ ზღვაში სოჭის სანაპიროსთან ახლოს 50-70მ-ის სიღმეზე აღმოაჩინეს. ასევე, აღმოჩენილია რამდენიმე გარდაცვლილი.

თავდაცვის მინისტრის ინფორმაციით ტუ-154-ს 92 მგზავრი გადაჰყავდა, მათ შორის ეკიპაჟის 8 წევრი, 8 ჯარისკაცი, რუსული სამხედრო ბენდის ალექსანდროვის 64 წევრი, არასამთავრობო ორგანიზაციის წარმომადგენელი და ცხრა რეპორტიორი.

პრეზიდენტმა ვლადიმერ პუტინმა უკვე გასცა განკარგულება შემთხვევის გამოძიების შესახებ.

The Guardian წერს, რომ კრემლის ინფორმაციით, კატასტროფის მიზეზი შესაძლოა ტექნიკური გაუმართაობა იყო.

თავდაცვის მინისტრის თქმით, ისინი სირიაში, ლატაკიას პროვინციაში მიფრინავდნენ, რათა რუსულ საჰაერო სამხედრო ბაზაზე საახალწლო კონცერტი გაემართათ. თვითმფრინავი სოჭის ადლერის აეროპორტიდან აფრენის შემდეგ, რამდენიმე წუთში რადარებიდან გაუჩინარდა.

რუსეთმა სირიის ტერიტორიაზე საჰაერო დაბომბვები ე.წ. ისლამური სახელმწიფოს მებრძოლების წინააღმდეგ 2015 წლის 30 სექტემბერს დაიწყო, 16 აგვისტოს კი ალეპოს დაბომბვა ირანის ბაზების გამოყენებით განაახლა. ომს უამრავი მშვიდობიანი მოსახლე, მათ შორის ბავშვები, ემსხვერპლა.