საერთო სასამართლოების შესახებ საქართველოს ორგანულ კანონში ცვლილებებს პარლამენტმა პირველი მოსმენით, 81 ხმით ერთის წინააღმდეგ მხარი დაუჭირა.

აღნიშნული ცვლილებები ორ ძირითად პრინციპს მოიცავს — პირველი, მოსამართლეობის კანდიდატის არჩევისას მის ყოველ შემდეგ ეტაპზე გადაყვანისას საბჭოს ჰქონდეს დასაბუთების ვალდებულება, თუ რატომ უჭერს კონკრეტულ კანდიდატს მხარს. მეორე, სავალდებულო ნორმის სახით ემატება გასაჩივრების მექანიზმი. ეს მექანიზმი გულისხმობს, თუ კანდიდატი მიიჩნევს, რომ შემდეგ ეტაპზე გადასასვლელად მას უარი არასწორად ან დაუსაბუთებლად უთხრეს, შეეძლება უზენაესი სასამართლოს საკვალიფიკაციო პალატაში გაასაჩივროს.

საერთო სასამართლოების შესახებ კანონპროექტში ცვლილებების ინიციატორები ირაკლი კობახიძე, გურამ მაჭარაშვილი და რატი იონათამიშვილი არიან.

აღნიშნულ ცვლილებებს არ ეთანხმებიან არასამთავრობო სექტორის წარმომადგენლები და მიაჩნიათ, რომ სასამართლო სისტემაში გაცილებით უფრო ფუნდამენტური ცვლილებებია გასატარებელი.