დღეს საქართველოს ჟურნალისტურ ეთიკის ქარტიის წევრთა საერთო, რიგით მერვე, კრება გაიმართა, სადაც განიხილებოდა ქარტიის აქტივობები და მიმდინარეობდა დისკუსია სხვადასხვა ძველი თუ ახალი წესის გარშემო.

ვინაიდან ქარტიის საბჭოს 3 ძველ წევრს, ირინა ყურუას, ნინო ნარიმანაშვილსა და ნინო ზურიაშვილს უფლებამოსილების ვადა გაუვიდათ, ქარტიის წევრმა ჟურნალისტებმა ფარული კენჭისყრით საბჭოს 3 ახალი წევრი 3 წლიანი ვადით აირჩიეს.

ქარტიის საბჭოს ახალი წევრები გახდნენ გიორგი მგელაძე (სტუდია მონიტორი) თამარ უჩიძე (სამხრეთის კარიბჭე) და თეა ზიბზიბაძე (ქუთაისიპოსტი).

კენჭისყრის შედეგების გამოცხადების შემდეგ, ქარტიის საბჭოს წევრებმა ახალ თავმჯდომარედ გიორგი მგელაძე აირჩიეს.