ევროპული საქართველოს მაჟორიტარობის კანდიდატი რუსთავსა და გარდაბანში, ირმა ნადირაშვილი, ცენტრალური საარჩევნო კომისიის გადაწყვეტილებას ეხმიანება დამოუკიდებელი წევრების არჩევასთან დაკავშირებით.

ირმა ნადირაშვილის თქმით, საოლქო კომისიები მოქმედებენ ერთი ხელწერით და დამოუკიდებელ კანდიდატებად ქართულ ოცნებასთან აფილირებულ პირებს ნიშნავენ. ნადირაშვილმა აღნიშნა, რომ ბიძინა ივანიშვილი ამ ნაბიჯებით ვერ შეცვლის არჩევნების ბედს და ქვეყანაში მოხდება გარდამტეხი ცვლილებები.

"ყველა საოლქო კომისია ერთი ხელწერით მოქმედებს, დამოუკიდებელი კვოტით დასანიშნი ადამიანების ნაცვლად, გვევლიანებიან ქართულ ოცნებასთან მჭიდროდ აფილირებული კომისიის წევრები. ამ ნაბიჯების გადადგმით ბიძინა ივანიშვილი ვერ შეინარჩუნებს ხელისუფლებას, ახლა არის გარდამტეხი ცვლილებების დრო, კოალიციური მთავრობის დრო და შესაბამისად, ამ ადამიანების ჩართვა საარჩევნო პროცესში ვერ შეცვლის ამ არჩევნების ბედს", — განაცხადა ირმა ნადირაშვილმა.