დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის საზოგადოებრივი ჯანდაცვის ცენტრის ხელმძღვანელის, რუსუდან შავიშვილის განაცხადებით, ბათუმსა და აჭარაში კლასტერი აღარ არის, რადგან ვირუსი გავრცელებულია საზოგადოების ყველა ფენაში.

"აჭარაში კლასტერული ხედვა აღარ არის, იმიტომ, რომ არის გავრცელება საზოგადოების ყველა ფენაში. ექიმებიც, პოლიციელებიც, შესაძლოა, თქვენც იყოთ. ჯერჯერობით სიტუაცია კონტროლს ექვემდებარება. ეს ახალი 108 შემთხვევა არის შიდაგავრცელება. ზოგის წყარო ნაცნობია, ზოგი უცნობი. საზოგადოების ყველა ფენას შეგვეხო. მოიაზრება ჰოსპიტალური ქსელის გაფართოება. ქობულეთში დაემატა ერთი კლინიკა", — განაცხადა რუსუდან შავიშვილმა.

საქართველოში, ბოლო 24 საათის განმავლობაში, კორონავირუსის 156 დადასტურებული შემთხვევიდან 108 აჭარიდანაა, როგორც აჭარის ჯანდაცვის სამინისტროში ამბობენ, ამ დროისთვის აღებულია 2 530 PCR ტესტი, სტაციონარში მკურნალობს 238 პაციენტი,
კოვიდ კარანტინში მეთვალყურეობის ქვეშ იმყოფება 97 პაციენტი.

საქართველოში დღეს, 14 სექტემბერს, კორონავირუსის 165 ახალი შემთხვევა გამოვლინდა. 14 სექტემბრის მონაცემებით, ქვეყანაში სულ 2 392 შემთხვევაა დადასტურებული. აქედან უკვე 1 369 გამოჯანმრთელდა, ხოლო 19 გარდაიცვალა.

ამ ეტაპისთვის კარანტინშია 5 882 ადამიანი, ხოლო სტაციონარში მეთვალყურეობის ქვეშ 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: