ენერგეტიკის მინისტრმა კახა კალაძემ დღეს ჟურნალისტებთან განაცხადა, რომ თუ ელექტროენერგიის ტარიფების მატების აუცილებლობა გაჩნდება, ეს მოხდება, თუმცა ამ ეტაპზე ეს აუცილებლობა არ არსებობს:

"ტარიფებს ადგენს მარეგულირებელი კომისია და გუშინ მათ ამასთან დაკავშირებით გააკეთეს განცხადება, რომლის მიხედვითაც, დღევანდელი გადმოსახედიდან, ელექტროენერგიაზე ტარიფების მატება არ იქნება. გუშინ განიხილეს თბოსადგურების ტარიფები და რამდენიმე მიმართულებით მოხდა მატება, თუმცა ეს არ ნიშნავს, რომ ჩვეულებრივი მოქალაქე ელექტროენერგიაზე გადაიხდის გაძვირებულ გადასახადს.

თუ იქნება იმის აუცილებლობა, [ლარის] კურსიდან გამომდინარე, რომ ტარიფები გადაიხედოს, ეს მოხდება. თუ ამის აუცილებლობა იქნება და ამაზე პირველები ჩვენ გავაკეთებთ განცხადებას, დღეს ამისი აუცილებლობა არ არსებობს".