პარტია სამართლიანობისთვის ლიდერი, ეკა ბესელია აცხადებს, რომ ქართული ოცნების გუნდი, კერძოდ, ირაკლი კობახიძე, მამუკა მდინარაძე, სოფიო კილაძე, ანრი ოხანაშვილი, დავით მათიკაშვილი და სხვები, ადამიანთა ის ჯგუფია, რომელსაც "შემთხვევით ქუჩაში" მოკრებ და არათუ ხელისუფლებას, "ორ ბატსაც" არ ჩააბარებ. ამის შესახებ მან ტვ პირველის ეთერში ისაუბრა.

"ამ ადამიანების არჩევით განაცხადი გააკეთა ივანიშვილმა, რომ მას სჭირდება ბრმა შემსრულებლები. ეს მისთვის პოლიტიკური კრიზისის მაჩვენებელია", — ამბობს ბესელია.

ბესელიას თქმითვე, ამ ხელისუფლების შეცვლა იმიტომ სურს, რომ არ შეიძლება სამართლიანობის იდეა მიაყვანინო იმ ადამიანებს, ვინც ისევ საბჭოურ მეთოდებს იყენებს და ისევ წარსულში რჩება.

"მე პირადად ვეცდები, ბევრი ახალი ადამიანი შემოვიყვანო პოლიტიკაში, მეტი ქალი შემოვიდეს პოლიტიკაში, მეტი ახლგაზრდა. ნელ-ნელა შემოვიდნენ ის ადამიანები, ვისაც არ უნდა ძველი მეთოდების გამოყენება და ეს შანსი, რაც დღეს აქვს პოლიტიკურ პარტიებს ამ დაბალი ბარიერის პირობებში, გაარღვევს ამ მოჯადოებულ ორპოლუსიან სისტემას. ეს ლეგენდა, რომ მე თუ არა ის იქნება, ვეღარ იმუშავებს", — ამბობს ბესელია.