ლელოს წევრზე თავდასხმის ფაქტზე გამოძიება დაწყებულია. ლელოს ლიდერის, ლევან სამუშიას თქმით, დაზარალებულს საშუალო სიმძიმის ტვინის შერყევა აქვს. სამუშიამ ამის შესახებ TV პირველის ეთერში ისაუბრა.

"ქართული ოცნება, როგორც უშიშროებას იყენებს, ისევე იყენებს ქუჩას. ეს იყო პირდაპირ თავდასხმა", — განაცხადა ლევან სამუშიამ.

შსს-ს ინფორმაციით, საქმეზე გამოძიება საქართველოს სისხლის სამართლის კოდექსის 126-ე მუხლის პირველი პრიმა მუხლის "ბ" ქვეპუნქტით დაიწყო, რაც ჯგუფურ ძალადობას გულისხმობს.