დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, ჩაქვში ექიმების კონფერენცია ყოველწლიურად იმართება და ერთ-ერთი რიგითი კონფერენცია წელსაც ჩატარდა. ამის შესახებ მან 3 აგვისტოს მთავრობის სხდომის დასრულების შემდეგ განაცხადა.

"ჩაქვში უკვე არაერთი წელია ტარდება ექიმების კონფერენცია, რომელიც არის საკმაოდ მრავალპროფილური და საინტერესო. სწორედ ერთ-ერთი რიგითი კონფერენცია ტარდებოდა დღესდღეობით ჩაქვში", — აღნიშნა მან.

მისივე თქმით, სასტუმროში 800-ზე მეტი ტესტი გააკეთეს და დღის მეორე ნახევარში უკვე პასუხები იქნება. როგორც მინისტრო ამბობს, ამის შემდეგ გადაწყდება, რა ნაბიჯები გადაიდგმება.

ჩაქვის სასტუმრო ოაზისში, სადაც ექიმების კონფერენცია ტარდებოდა, სამედიცინო სფეროს წარმომადგენელს კორონავირუსი დაუდასტურდა. ვირუსის გამოვლენის გამო სასტუმრო ჩაიკეტა, ხოლო კონფერენციაზე მყოფი 200-მდე ექიმი კარანტინში მოხვდა.

დაავადებათა კონტროლის ცენტრის დირექტორის, ამირან გამყრელიძის განცხადებით, მის კოლეგა ექიმებს "მეტი სიფრთხილე მართებდათ".

3 სექტემბრის მონაცემებით, საქართველოში კორონავირუსის 20 ახალი შემთხვევა გამოვლინდა, გამოჯანმრთელებულთა რიცხვი კი 9-ით გაიზარდა. მონაცემები StopCov-ზე განახლდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 568-მდე გაიზარდა, გამოჯანმრთელებულია 1 279 ადამიანი, გარდაცვლილი კი — 19. კარანტინის რეჟიმში რჩება 6 185 პირი, სტაციონარში მეთვალყურეობის ქვეშ კი 239 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: