პრემიერმინისტრის, გიორგი გახარიას განცხადებით, იმუშავე საქართველოდან ინიციატივის ფარგლებში უცხო ქვეყნის მოქალაქეების 200-ზე მეტი განაცხადი მიიღეს. ამის შესახებ მან მთავრობის სხდომაზე განაცხადა.

ტურიზმის ეროვნული ადმინისტრაცია 95 ქვეყნის მოქალაქეებს სთავაზობს, რომ მინიმუმ 180 დღით ჩამოვიდნენ და საქართველოდან დისტანციურად იმუშაონ.

"შედეგებმა მოლოდინს გადააჭარბა, ჩვენ 200-ზე მეტი განაცხადი გვაქვს უკვე მსოფლიოს სხვადასხვა ქვეყნიდან, დაწყებული აშშ-ით და დამთავრებული სინგაპურით", — აღნიშნა გახარიამ.

მან დაავალა ტურიზმის ეროვნულ ადმინისტრაციას გააძლიეროს ამ პროგრამის შესაძლო ბენეფიტები, რომელიც შესაძლოა ეკონომიკასა და ქვეყანას მოუტანოს.