დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, საკონდიტრო დონას 23 შემთხვევა უკავშირდება და ძირითადად თანამშრომლები არიან დაინფიცირებული.

"ჯერ არ გვაქვს ინფორმაცია, რამდენად გავიდა ინფიცირება დონას გარეთ", — განაცხადა გამყრელიძემ საკოორდინაციო საბჭოს დასრულების შემდეგ.

გუშინ, 1-ლ სექტემბერს ცნობილი გახდა, რომ ბათუმში, საკონდიტრო დონას თანამშრომელს კორონავირუსი დაუდასტურა. დღეს კი დონას კლასტერი 22 ახალი შემთხვევით გაიზარდა.

2 სექტემბრის მონაცემებით, საქართველოში კორონავირუსის 38 ახალი შემთხვევა გამოვლინდა, დადასტურებული შემთხვევებიდან კი 5 პირის წყარო უცნობია.

ჯამში, საქართველოში კორონავირუსის დადასტურებულ შემთხვევათა რაოდენობა 1 548-მდე გაიზარდა, გამოჯანმრთელებულია 1 270 ადამიანი, გარდაცვლილი კი — 19. კარანტინის რეჟიმში რჩება 6 059 პირი, სტაციონარში მეთვალყურეობის ქვეშ კი 239 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: