ევროპული საქართველოს მაჟორიტარობის კანდიდატი ტყიბულის, თერჯოლის, ზესტაფონისა და ბაღდათის ოლქში გიგი წერეთელი ზესტაფონის საკათედრო ტაძარში საზეიმო წირვას დაესწრო და დღესასწაული მიულოცა მრევლს.

"მინდა ეს დიდი დღესასწაული, რომელსაც მართლმადიდებელი სამყარო და საქართველო განსაკუთრებულად აღნიშნავს, მივულოცო თითოეულ ოჯახს, ჩვენს ქვეყანას, ვუსურვო მათ ღვთისმშობლის წყალობა,სიკეთე, სიმშვიდე, ერთიანობა და კეთილდღეობა", — განაცხადა გიგი წერეთელმა.

გიგი წერეთელი იმყოფებოდა ზესტაფონის მუნიციპალიტეტის სოფელ არგვეთაშიც, სადაც X-XI საუკუნის ღვთისმშობლის მიძინების სახელობის მონასტერში შესრულებულ წირვას დაესწრო.