დიდ ხნიანი ლოდინის შემდეგ, 1 სექტემბრიდან ეროვნული ბიბლიოთეკა მზად არის მკითხველებს უმასპინძლოს.

ბიბლიოთეკაში უსაფრთხოების წესები სრულად იქნება დაცული. აი, რა უნდა იცოდეთ, სანამ სამკითხველო დარბაზს ეწვევით:

  • ბიბლიოთეკაში სტუმრობისას მკითხველის ბარათთან ერთად თან პირბადეც უნდა იქონიოთ;
  • დარბაზში შესვლამდე დეზობარიერის გავლა მოგიწევთ, რის შემდეგაც თერმოსკრინინგი ჩაგიტარდებათ, ხელები სპეციალური სადეზინფექციო ხსნარით უნდა დაიმუშავოთ, ამ პროცედურების გავლის შემდეგ ბიბლიოთეკაში შესვლას შეძლებთ;
  • უნდა აიღოთ რიგის ნომერი და დაელოდოთ რიგს, რომლის მოსვლის შემდეგაც კატალოგისტის დახმარებით შეგეძლებათ მოთხოვნის ბარათის შევსება;
  • მოთხოვნის დაკამაყოფილებამდე, შეგიძლიათ დარბაზში სასურველი ადგილი შეარჩიოთ და დაელოდოთ რიგის ნომრის შეტყობინებას, რის შემდეგაც გამოწერილი დოკუმენტით სარგებლობას შეძლებთ.

ეროვნული ბიბლიოთეკა გთხოვთ, არ მოიხსნათ პირბადე შენობაში ყოფნისას და დაიცვათ უსაფრთხო დისტანცია, ბიბლიოთეკების მუშაობის შეცვლილ წესებს დეტალურად შეგიძლიათ აღნიშნულ ბმულზე გაეცნოთ.